ფესვები
ფილმი ქართველი ემიგრანტის სამშობლოსადმი ნოსტალგიით სავსე ცხოვრებაზე გვიამბობს, რომელიც საფრანგეთში საშოვარზე მიდის, თუმცა პირველი მსოფლიო ომის დაწყებისა და საზღვრების ჩაკეტვის გამო, სამუდამოდ იქ რჩება. ის საქართველოში დაბრუნების იმედს არ კარგავს. ქმნის ოჯახს, ცოლად მოჰყავს ფრანგი გოგონა. მისი შვილები ქართულად ვერ საუბრობენ, თუმცა შვილიშვილს ასწავლის ქართულ ენას, კულტურას, ისტორიასა და ადათ-წესებს, სიკვდილის წინ კი ეუბნება, რომ მისი ფესვები საქართველოშია. შვილიშვილს ბაბუის ფერფლი სამშობლოში მოაქვს. მას არც კი ჰგონია, რომ ამდენი წლის მერე ვინმეს ახსოვს მისი პაპა, თუმცა თავსხმა წვიმაში მატარებლის სადგურზე მას მთელი სოფელი ელოდება.
რეჟისორი - გუგული მგელაძე, როლებში: სოსო ჯაჭვლიანი, დოდო აბაშიძე, ია ფარულავა, ლევან აბაშიძე, გოგი გეგეჭკორი, ნუგზარ ყურაშვილი და სხვ.
