მინა სეტემბრე სოციალური მუშაკია, რომელიც სხვა ადამიანების პრობლემების გადაწყვეტის გზებს ყოველთვის ეძებს. მინა ძლიერი ნებისყოფის ქალია, ამასთანავე ნაზი და ფაქიზია. ის ცდილობს, პირადი ცხოვრება მოიწყოს. ცოტა ხნის წინ დაშორებული და ჯერ კიდევ გაურკვეველი გრძნობებში, მინა იხლიჩება ყოფილ ქმარს - კლაუდიოსა და დომენიკოს, მის ახალ თანამშრომელს შორის. ის დროებით დედის სახლში ცხოვრობს, რომელიც ცივი, ცინიკური, მახვილგონიერი ქალია მაღალი წრიდან. მინას მამასთან დაკავშირებული საიდუმლო აქვს - მისი გარდაცვალების შემდეგ იპოვა ფოტო და ახლა სურს, გაარკვიოს, ვინ არის სურათზე აღბეჭდილი ქალი. რა მოხდება, თუ მამამისი ყოველთვის ატყუებდა და ყველას უმალავდა მეორე ცხოვრებას? მინა იღებს გადაწყვეტილებას და იწყებს გამოძიებას, რომელსაც ბევრად არასასიამოვნო რეალობის წინაშე მიჰყავს, ვიდრე წარმოიდგენდა. ამ დროის განმავლობაში, პარალელურად, ის ქალაქის ერთი ბოლოდან მეორეში დარბის, რათა დაეხმაროს მათ, ვისაც მისი მხარდაჭერა სჭირდება. კომედია, რომანტიკა, დრამა და დეტექტივი ასევე, ნეაპოლისა და იტალიის გასაოცარი და მრავალფეროვანი ადგილები, რომლითაც ტკბება მაყურებელი - ეს არის ამ სერიალის ხიბლი. რეჟისორი - ტიციანა არისტარკო